"Liverpul" və "Tottenhem" yeddinci dəfə bunu yaşayacaq

"Liverpul" və "Tottenhem" Premyer Liqadakı ilk oyununda tarixdə yeddinci dəfə liqaya qoşulan yeni komanda ilə qarşılaşacaq.

90deqiqe.Az xəbər verir ki, beləliklə, "qırmızılar" "İpsviç"lə, "londonlular" isə "Lester"lə qarşılaşacaq.

"Lester"  2023/2024 mövsümündə çempionluq qazanıb və Premyer Liqaya yüksəlib. "İpsviç Taun" ikinci yeri tutub. Yüksəlməyə nail olan üçüncü və sonuncu komanda "Sauthempton" olub.

Xatırladaq ki, İngiltərə Premyer Liqası daha əvvəl 2024/2025 mövsümünün oyun cədvəlini açıqlamışdı. Yeni mövsümün açılış matçı "Mançester Yunayted" - "Fulhem" matçı olacaq. Avqustun 16-da baş tutacaq. Mövsüm 25 may 2025-ci ildə başa çatacaq.

Əlavə edək ki, İngiltərə Premyer Liqasının hazırkı qalibi “Mançester Siti”dir. "Siti" ardıcıl üçüncü dəfə çempion olmaqla liqa rekordunu qırıb.