"MY" 38 yaşlı qapıçı ilə müqavilə imzalayıb

“Mançester Yunayted” qapıçı Tom Hitonla müqaviləni yeniləyib.

90deqiqe.Az-ın klubun saytına istinadən verdiyi məlumata görə, 38 yaşlı qolkiper ilə 2025-ci ilin ortalarına qədər nəzərdə tutulan əmək müqaviləsi imzalanıb.

Tom Hiton “Mançester Yunayted” akademiyasının yetirməsidir. Qapıçı 2021-ci ilin yayında azad agent kimi müqavilə bağladıqdan sonra doğma klubuna qayıdıb. Əlavə edək ki, “Mançester Yunayted” son İngiltərə çempionatını turnir cədvəlində səkkizinci pillədə başa vurub. Eyni zamanda, İngiltərə kubokunun finalında “Mançester Siti”ni 2:1 hesabı ilə məğlub edən Erik ten Haqın komandası Avropa Liqasına vəsiqə qazanıb.