Xulian Alvares gələcəyi ilə bağlı qərarını verdi

"Mançester Siti"nin hücumçusu Xulian Alvares gələcəyi ilə bağlı sualı cavablandırıb.

90deqiqe.Az xəbər verir ki, məşhur jurnalist Fabrizio Romano argentinalı futbolçunun dediklərini belə çatdırıb.

“Bəli, Pep Qvardiolanın dediklərini gördüm. Mən pis və ya anormal bir şey demədim. Mən həmişə demişəm ki, “Mançester Siti”də xoşbəxtəm, lakin hər mövsümdən sonra tarazlığı tapmaq normaldır. Hamısı budur”

Xatırladaq ki, Xulian Alvares daha əvvəl "Mançester Siti"də aldığı oyun müddətindən razı olmadığını bildirmişdi. Bundan sonra “şəhərlilərin” baş məşqçisi Pep Qvardiola argentinalının problemlərini həll etməli olduğunu, daha sonra futbolçu və agenti ilə söhbət edəcəyini bildirib.