"Mançester Yunayted" Bruno Fernandeşlə bağlı qərarını verdi

"Mançester Yunayted" klubu yarımmüdafiəçi Bruno Fernandeşlə yeni müqavilə imzalayıb.

90deqiqe.Az xəbər verir ki, bu barədə klubun rəsmi saytı məlumat yayıb.

Portuqaliyalı futbolçunun müqavilə müddətinin 2027-ci ilin yayına qədər uzadıldığını (daha bir mövsüm uzatma imkanı ilə) açıqlanıb.

“Mənim “Mançester Yunayted”ə olan həvəsimi hamı bilir. Mən bu köynəyi geyinməyin məsuliyyətini və əhəmiyyətini, bu inanılmaz klubu təmsil etmək üçün tələb olunan fədakarlıq və arzu səviyyəsini başa düşürəm. Artıq burada çox özəl anlar yaşadım: stadionda adımı tərənnüm etmək, Lidslə oyunda het-trik etmək, Avropa gecələrində komandanı "Old Trafford"a çıxarmaq və "Uembli"də kuboklar qaldırmaq. Ancaq “Mançester Yunayted” forması ilə ən yaxşı anlarımın hələ qarşıda olduğuna inanmasaydım, bu müqaviləni imzalamazdım”, - deyə klubun mətbuat xidməti Fernandeşdən sitat gətirir.

Bruno futbolçu “qırmızı şeytanlar”ın heyətində 234 oyun keçirib, 79 qol vurub və 67 məhsuldar ötürmə edib.