Çilvell "Çelsi"dən ayrılır

"Çelsi"nin baş məşqçisi Enzo Mareska müdafiəçi  Ben Çilvellin klubu tərk edə biləcəyini açıqlayıb.

90deqiqe.Az xəbər verir ki, “The Telegraph" çalışdırıcının dediklərini belə çatdırıb:

“Çilvell hələ də bizimlədir, lakin xəstə olduğu üçün son bir neçə gündə məşq etməyib. Onun oyun keyfiyyətləri xoşuma gəlir, amma problem ondadır ki, ona uyğun mövqe tapmaq bir az çətindir. Bu səhər 22 futbolçu məşq etdik. Hamı “Mançester Siti”yə qarşı oynamaq istəyir, amma bu, mümkün deyil. Qərar verməliyəm, amma yəqin ki, Benin gedib oyuna vaxt ayırması ən yaxşısıdır. Transfer pəncərəsi açıqdır, ona görə də bundan sonra nə baş verəcəyini görəcəyik”