Arteta ona daha bir şans verəcək

"Arsenal"ın baş məşqçisi Mikel Arteta yeni mövsümdə hücumçu Qabriel Xesusdan nələr gözlədiyini açıqlayıb.

90deqiqe.Az xəbər verir ki, Arteta, braziliyalı forvarddan yüksək çıxış gözlədiyini qeyd edib.

“Görünür, Xesus yeni mövsümdə ciddi nailiyyətlər əldə etmək niyyətindədir. Ətrafınızda sizi sevən və sizi daha yaxşı etmək üçün çox şey edən insanlarla əhatə olunduğunuz zaman bu, nəticə verir”

Xatırladaq ki, növbəti kampaniya braziliyalının "Mançester Siti"dən köçdükdən sonra "topçular"la üçüncü oyunu olacaq.

Ötən mövsüm 27 yaşlı Xesus İngiltərə Premyer Liqasında 4 qol vurub, 5 məhsuldar ötürmə edib.