Feliks "Çelsi"yə qayıtmasından danışıb

Portuqaliya millisinin hücumçusu João Feliks "Çelsi"yə keçməsindən danışıb.

90deqiqe.Az xəbər verir ki, jurnalist Fabrizio Romano Feliksin dediklərini belə çatdırıb:

“Burada keçirdiyim vaxtdan həzz aldım və dostlarıma və ailəmə bir gün Premyer Liqaya qayıtmaq istədiyimi söylədim. Bunu "Çelsi" ilə etmək əla hissdir və qayıtdığım üçün şadam"

Xatırladaq ki, 24 yaşlı futbolçu 2031-ci ilin yayına kimi daha bir mövsüm uzatma opsiyasıyla paytaxt klubunun sıralarına qoşulub. Feliks ötən mövsümün ikinci hissəsini "Çelsi"də keçirib və bütün yarışlarda 20 oyunda iştirak edib və 4 qol vurub.