Berbatov ten Haqa məsləhət verib

“Mançester Yunayted”in sabiq hücumçusu Dimitar Berbatov “qırmızı şeytanlar”ın baş məşqçisi Erik ten Haqa məsləhət verib.

90deqiqe.Az xəbər verir ki, 43 yaşlı keçmiş futbolçu Mançester komandasının belə asan qol buraxmağı dayandırmasının vaxtı çatdığını bildirib. Keçmiş futbolçu qeyd edib ki, “Yunayted” bütövlükdə müdafiə oyunu üzərində ciddi iş görməlidir.

“Bu, çox vacibdir, çünki “qırmızı şeytanlar” ötən mövsüm çoxlu qol buraxıb. Bu, darıxdırıcı görünə bilər, amma komanda, birlik olaraq necə müdafiə olunmağı öyrənmək lazımdır”, - deyə Berbatov əlavə edib.

Xatırladaq ki, ötən mövsüm “Mançester Yunayted” İngiltərə çempionatının turnir cədvəlində cəmi səkkizinci yeri tutub və 58 qol buraxıb.