"Mareskanın üslubunu bəyənirəm" - Sanço

"Çelsi"nin yeni transferi Cedon Sanço komandanın baş məşqçisi Enzo Mareska haqda danışıb.

90deqiqe.Az xəbər verir ki, klubun mətbuatına xidmətinə danışan ingilis futbolçuitaliyalı mütəxəssisin fəlsəfəsini bəyəndiyini etiraf edib.

"Mareskanın üslubunu bəyənirəm. Cinah oyunçularının təkbətək oynaması onun xoşuna gəlir. Bu üslub mənə yaxındır"

Xatırladaq ki, yay transfer pəncərəsi zamanı “Çelsi” cari mövsümün sonuna kimi “Mançester Yunayted”dən 24 yaşlı futbolçunu icarəyə götürüb. Sançonun “qırmızı şeytanlar”la hazırkı əmək müqaviləsi 2026-cı ilin iyun ayına qədərdir. Nüfuzlu Transfermarkt portalının məlumatına görə, futbolçunun dəyəri 30 milyon avrodur.