Kazemiro “Mançester Yunayted”lə bağlı qərar verib

“Mançester Yunayted”in yarımmüdafiəçi Kazemiro yaxın gələcəyi ilə bağlı qərar verib.

90deqiqe.Az xəbər verir ki, bu barədə insayder Kris Viler "X" sosial şəbəkəsində (keçmiş Twitter) yazıb. 

O braziliyalı yarımmüdafiəçinin mankunian nəhənglərini tərk etmək fikrində olmadığını və 32 yaşlı futbolçunun karyerasını “Old Trafford”da davam etdirmək istədiyini və uruqvaylı Manuel Uqarte ilə heyətdə yer almaq üçün mübarizə aparmağa hazır olduğunu qeyd edib.

Maraqlıdır ki, Kazemiro Premyer Liqada ən yüksək maaş alan futbolçulardan biridir. Onun həftəlik maaşı 445 min avrodur. Braziliyalının "qırmızı şeytanlar"la müqaviləsi 2026-cı ilin iyun ayının sonuna kimidir.