Zidan "Mançeter Yunayted"in təklifini niyə geri çevirib?

Məşhur fransız baş məşqçi Zinəddin Zidan İngiltərənin "Mançester Yunayted" klubunun yeni baş məşqçisi olmağa niyə hazır olmadığını açıqlayıb.

90deqiqe.Az-ın “L'Equipe”ə istinadən məlumatına görə, Zidan ingilis dilini başa düşdüyünü, lakin istədiyi qədər səlis danışa bilmədiyi üçün təklifdən imtina etdiyini bildirib.

“Bilirəm ki, komandaya gələn və ümumiyyətlə dili bilməyən məşqçilər var, amma mən fərqli prinsiplərlə işləyirəm. Qələbələrin bir çox komponentləri var. Onların çox qlobal konteksti var”, - Zidan əlavə edib.

Xatırladaq ki, mətbuatda hollandiyalı baş məşqçi Erik ten Haqın yerinə Zinəddin Zidanın “qırmızı şeytanlar”a rəhbərlik edə biləcəyi ilə bağlı xəbərlər yayılmışdı.