"Çelsi"nin ulduzu sürücülük vəsiqəsindən məhrum edilib

“Çelsi”nin və Argentina millisinin yarımmüdafiəçisi Enzo Fernandes 6 ay müddətinə avtomobil idarə etmək hüququndan məhrum edilib.

90deqiqe.Az xəbər verir ki, bu barədə "Sky Sports" məlumat yayıb.

Mənbənin məlumatına görə, buna səbəb Fernandezin dəfələrlə yol hərəkəti qaydalarını pozması, həmçinin futbolçunun cərimələrinin ümumi məbləğinin 3 min funt-sterlinqi keçməsi olub.

Ötən mövsüm Fernandes "Çelsi"nin heyətində bütün turnirlərdə 40 oyun keçirib, 7 qol vurub və 3 məhsuldar ötürmə edib. Futbolçunun hazırkı klubu ilə hazırkı əmək müqaviləsi 2032-ci ilin yayına qədərdir. Transfermarkt portalında verilən məlumata görə, futbolçunun bazar dəyəri 75 milyon avrodur.