Odeqard bu oyunları buraxacaq

"Arsenal" klubunun yarımmüdafiəçisi Martin Odeqard zədə səbəbindən İngiltərə çempionatının iki oyununda komandasına kömək etməyəcək.

90deqiqe.Az-ın "The Guardian"a istinadən məlumatına görə, 25 yaşlı futbolçu milli komandası ilə matçda topuq nahiyəsindən zədə alıb. Bu zədə səbəbindən "topçular"ın liderlərindən biri London derbisində "Tottenhem", daha sonra isə "Mançester Siti" ilə oynaya bilməyəcək.

Bundan əvvəl mətbuatda norveçlinin iki-üç həftə buraxacağı ilə bağlı məlumatlar var idi.

Xatırladaq ki, bu mövsüm Martin Odeqard “topçular”la İngiltərə çempionatında 3 oyun keçirsə də, heç bir effektli hərəkət göstərməyib. “Arsenal” ilk üç turda yeddi xal toplayıb.