"Reşford yaxşı formadadır" - ten Haq

"Mançester Yunayted"in baş məşqçisi Erik ten Haq hücumçu Markus Reşfordun durumu haqda danışıb.

90deqiqe.Az-ın məlumatına görə, bu barədə niderlandlı çalışdırıcı “Sauthempton”la oyundan əvvəl keçirilən mətbuat konfransında deyib.

“O, yaxşı formadadır, lakin onun qola və ya ötürməyə ehtiyacı var. "Liverpul"la son oyunda o, çox yaxşı xidmətləri ilə yadda qalıb. Düzgün an gələcək, biz bu impulsu gözləyəcəyik, sonra Reşford uçacaq”

Xatırladaq ki, İngiltərə Premyer Liqasının ilk üç turunda forvard bir dənə də olsun effektli hərəkətə imza atmayıb.

Reşford İngiltərə çempionatının dördüncü turunun "Sauthempton"la səfər matçına start heyətində çıxıb.