Rodridən "Real" açıqlaması

"Mançester Siti"nin yarımmüdafiəçisi Rodri "Real Madrid"ə keçə biləcəyi ilə bağlı şayiələrdən danışıb.

90deqiqe.Az xəbər verir ki, ispaniyalı oyunçu "Todofichajes"ə indi İngiltərədə xoşbəxt olduğunu bildirib. "Şəhərlilər"in yarımmüdafiəçisi qeyd edib ki, o, dünyanın ən yaxşı klublarından birində çıxış edir və onunla daha 3 illik müqaviləsi var.

"Vaxtı gələndə "Real Madrid"ə mümkün keçid haqqında düşünəcəyəm. Madrid mənim şəhərimdir. İspaniyaya dönsəm, öz işimə arxayın olmalıyam”

Xatırladaq ki, ötən mövsüm Rodri Hernandes “Citizens”in heyətində İngiltərə çempionatında 34 oyun keçirib, 8 qol vurub və 9 məhsuldar ötürmə edib. İspan builki “Qızıl top”a iddialılardan biri hesab olunur.