"Mançester Yunayted" yeni stadion tikmək istəyir

“Mançester Yunayted” klubu “Old Trafford”u saxlamağı planlaşdırmır.

90deqiqe.Az xəbər verir ki, klub 2 milyard funt-sterlinqə 100 min yerlik yeni stadion tikməyi düşünür.

İlkin plana görə, "Old Trafford" sökülməyəcək, onun tutumu azaldılacaq və qadınlar və gənclərdən ibarət komandaların oyunları üçün istifadə ediləcək. "Qırmızı şeytanlar" indi bu planlarından əl çəkməyə hazırdır. “Mançester Yunayted” yeni stadion tikmək qərarına gəlsə, köhnə stadion söküləcək.

Rəhbərlik belə nəticəyə gəlib ki, "Old Trafford"u qadın və gənclər komandalarına təhvil vermək və onun tutumunu azaltmaq çox mürəkkəb və yüz milyonlarla funt-sterlinqə başa gələcək.