"Barselona"da oynadığım üçün peşman da deyiləm"

"Mançester Siti"nin yarımmüdafiəçisi İlkay Gündoğan "Barselona"dakı xatirələrini bölüşüb.

90deqiqe.Az xəbər verir ki, "Daily Mail" türk əsilli almaniyalı futbolçunun dediklərini belə çatdırıb:

“Bilirsiniz, məncə, orada uğurlu dövr keçirdim. Axı mən dünyanın ən böyük komandalarından birində oynadım, uşaqlıq arzumu yerinə yetirərək "Barsa" nişanını taxdım. Bəlkə kimsə ötən mövsümə baxıb deyəcək ki, biz heç nə qazanmamışıq və bu, doğrudur. Amma oyun səviyyəmizi dəyərləndirsək, mövsümün sonunda 85 xalımız var idi - bir il əvvəlki çempionat mövsümündən cəmi üç xal az. Çox güclü rəqibə - "Real Madrid"ə qarşı mübarizə apardıq. "Barselona"da oynamaq özümü inanılmaz dərəcədə imtiyazlı hiss etdim. Başqa şərtlərdə hər şey fərqli ola bilərdi. Bu çətin, lakin eyni zamanda heyrətamiz bir təcrübə idi, heç peşman da deyiləm”