Qvardiola "Arsenal"la heç-heçədən danışıb

"Mançester Siti"nin baş məşqçisi Pep Qvardiola "Arsenal"la oyun (2:2) haqda fikirlərini bölüşüb.

90deqiqe.Az xəbər verir ki, "BBC"  ispan çalışdırıcının dediklərini belə çatdırıb:

"Hər top üçün sona qədər mübarizə aparan “Arsenal”a böyük bir iltifat. Şanslar yaratdıq, amma bəlkə də ən bariz olanları yox. Onların Kalafiori, Saliba, Qabriel, Partey və Rays var - bilirsiniz ki, bu çətindir. İkinci hissədə kifayət qədər səbirli olduq və sonda bəxtimiz gətirdi. Komandama heyranam”

“Şəhərlilər” 9-cu dəqiqədə Erlinq Haalandın səyi ilə ilk qolu vursalar da, qonaqlar fasiləyə qədər geri qayıdıb önə keçə bildilər – qolları Qabriel Maqalhaes və Rikardo Kalafiori vurublar. "Topçular" bütün ikinci hissəni azlıqda keçirib, lakin "Siti" məğlubiyyətdən yalnız sonda xilas olub - Con Stounz qol vurub.