Mazraui bu səbəbdən “MY”ə keçib

"Mançester Yunayted"in müdafiəçisi Nussair Mazraui niyə "Bavariya"dan İngiltərə klubuna keçmək qərarına gəldiyini açıqlayıb.

90deqiqe.Az xəbər verir ki, jurnalist Fabrizio Romano Mərakeş millisinin üzvünün dediklərini belə çatdırıb:

“Bavariya"dan sonra bir addım atmalı idim. Orada özümü yaxşı hiss edirdim, amma başqa yerdə daha rahat mühitdə oynaya biləcəyimi hiss edirdim. Daha sonra “Mançester Yunayted” təkliflə gəldi. Düşünürəm ki, niyə belə bir kluba keçdiyimi izah etməyə ehtiyac yoxdur”

“Mançester Yunayted” 26 yaşlı müdafiəçini ötən yay “Bavariya”dan 15 milyon avroya alıb. Bu mövsüm mərakeşli "qırmızı-qaralar"ın heyətində 6 oyunda 1 məhsuldar ötürmə edib. Transfermarkt portalında verilən məlumata görə, futbolçunun bazar dəyəri 30 milyon avrodur.