Arteta Rayanın zədəsindən danışıb

"Arsenal"ın baş məşqçisi Mikel Arteta komandanın əsas qapıçısı David Rayanın zədələnməsindən danışıb.

90deqiqe.Az xəbər verir ki, jurnalist Fabrizio Romano Artetanın dediklərini belə çatdırıb:

“Davidin hansı zədənin olduğunu hələ dəqiq bilmirik. Zədə əzələ xarakteri daşıyır, ona görə də əlavə müayinə lazımdır”

29 yaşlı futbolçu sentyabrın 22-də Premyer Liqanın 5-ci turunun "Mançester Siti" ilə səfər matçında (2:2) zədələnib. Dünən, sentyabrın 25-də Liqa Kubokunun 3-cü mərhələsinin "Bolton"la ev oyununda (5:1) "Arsenal"ın qolunu 16 yaşlı Cek Porter qorudu. Bu mövsüm David Raya "topçular"ın heyətində 6 oyun keçirib, 3 buraxdığı qol və 4 qapını təmiz keçirib. Beş turun nəticələrinə əsasən, London klubu İngiltərə Premyer Liqasının turnir cədvəlində 11 xalla 4-cü yerdədir.