Sulşer "MY"in Ronaldonu niyə transfer etdiyini açıqladı

"Mançester Yunayted"in keçmiş baş məşqçisi Ole Qunnar Sulşer "qırmızı şeytanlar"ın 2021-ci ildə ulduz portuqaliyalı hücumçu Kriştiano Ronaldonu niyə transfer etmək qərarına gəldiyindən danışıb.

90deqiqe.Az xəbər verir ki, təcrübəli çalışdırıcı Osloda keçirilən biznes forumunda deyib ki, “Yunayted” rəhbərliyinin portuqaliyalının “Mançester Siti”yə düşməməsi üçün Ronaldonu imzalamağa qərar verib.

Norveçli mütəxəssis qeyd edib ki, Kriştiano “şəhərlilər”in heyətində indi Erlinq Haalanddan daha çox qol vura bilər.

“Ronaldonun imzalanması “Mançester Yunayted”in soyunub-geyinmə otağındakı mühitə böyük təsir etdi. Digər oyunçular özlərini daha az vacib hiss etməyə başladılar, çünki komandaya həqiqətən super ulduz oyunçu gəlmişdi "

Xatırladaq ki, Kriştiano Ronaldo sonda qalmaqalla Mançester klubundan ayrılmışdı. 2023-cü ildən portuqaliyalı Səudiyyə Ərəbistanında "Əl-Nəsr"in heyətində çıxış edir.