"Liverpul" van Deyklə bağlı qərar verdi

Niderlandlı müdafiəçi Vircil van Deyk yaxın vaxtlarda "Liverpul" ilə yeni müqavilə imzalamağa hazırdır.

90deqiqe.Az xəbər verir ki, bu barədə insayder Nikolo Şira "X" sosial şəbəkəsində (keçmiş Twitter) yazıb. 

O 33 yaşlı futbolçunun 2027-ci ilin iyun ayına kimi “qırmızılar”la yeni müqavilə imzalayacağını qeyd edib.

Qeyd edək ki, Van Deykin "Liverpul"la hazırkı müqaviləsi 2025-ci ilin yayına kimi nəzərdə tutulub.

Müdafiəçi 2018-ci ildən Mersisaydlıların heyətində çıxış edir. Van Deyk əvvəllər "Sauthempton", "Seltik" və "Qroningen"də çıxış edib. Xatırladaq ki, Vircil van Deyk bu mövsüm İngiltərə çempionatında "Liverpul"un heyətində 5 oyun keçirib və 1 sarı vərəqə alıb. Arne Slotun rəhbərlik etdiyi "qırmızılar" hazırda Premyer Liqa cədvəlində ikinci yerdədir.