Mareska Mudrikin oyunundan razıdır

"Çelsi"nin baş məşqçisi Enzo Mareska Mixail Mudrikin oyun praktikası ilə bağlı fikirlərini bölüşüb.

90deqiqe.Az xəbər verir ki, jurnalist Ben Yakobs italyan çalışdırıcının dediklərini belə çatdırıb:

“Mişa “Vulverhempton”a qarşı start heyətində başladı. Bütün oyunçular ilk dəqiqələrdən başlamaq istəyirlər, lakin bu, həmişə mümkün olmur. Mudrik keçən həftə Barrou ilə görüşdə yaxşı çıxış etdi. Ümid edirəm ki, o da sabah layiqli çıxış edəcək. Bu təkcə ona aid deyil. Əsas oyunçu kimi imzalanan, lakin indi Premyer Liqa matçlarına çıxmayan Nkunku ilə də vəziyyət eynidir. Ancaq futbolda hər şey tez dəyişə bilər. Hazırkı şərait belədir, lakin bu, mövsüm boyu belə olacağı demək deyil. Mişanın probleminin etibarsızlıq olduğunu düşünmürəm. Bu, onun üslubudur və bəzi məqamlar var ki, onları təkmilləşdirmək lazımdır. Amma ümumilikdə onun tərəqqisindən razıyıq”