Skoulz “MY”in transfer siyasətini tənqid etdi

"Mançester Yunayted"in keçmiş yarımmüdafiəçisi Pol Skoulz "qırmızı şeytanlar"ın transfer siyasətini sərt şəkildə tənqid edib.

90deqiqe.Az xəbər verir ki, "Manchester Evening News" 49 yaşlı sabiq futbolçunun dediklərini belə çatdırıb:

“Uqarte kluba yarımmüdafiəyə kömək etmək üçün gəlmişdi, lakin o, ehtiyatda saxlanılır. De Liqt 60 milyon avroya transfer olundu, lakin "Aston Villa" ilə matçda onun yerinə 36 yaşlı Conni Evans meydana çıxır. Bu, sadəcə bir transfer qarışıqlığıdır”

Xatırladaq ki, hazırda Erik ten Haqın rəhbərliyi altında “qırmızı şeytanlar” İngiltərə çempionatının turnir cədvəlində cəmi 14-cü yeri tutur.