Qarnaço Argentina millisinə getməyəcək

Hücummeyilli yarımmüdafiəçi Alexandro Qarnaço oktyabrdakı təlim-məşq toplanışında Argentina millisinə qatılmayacaq.

90deqiqe.Az xəbər verir ki, bu barədə jurnalist Qaston Edul "X" sosial şəbəkəsində (keçmiş Twitter) yazıb. 

O Qarnaçonun fiziki problemlərə görə bu ay Albiselestə kömək etməyəcəyini qeyd edib.

Oktyabrda Argentina millisi dünya çempionatının seçmə mərhələsi çərçivəsində iki oyun keçirəcək. Lionel Skaloni komandası Venesuela və Boliviya ilə qarşılaşacaq. Hazırda “Albiselest” seçmə turnirdə birinci yeri tutur.

2024/2025 mövsümündə Qarnaço "Mançester Yunayted"in heyətində on bir oyun keçirib. Onlarda argentinalı dörd qol vurub və tərəfdaşlarına üç məhsuldar ötürmə verib.