"Vest Hem"in ulduzu futboldan ömürlük uzaqlaşdırıla bilər

"Vest Hem"in ulduzu yarımmüdafiəçi Lukas Paqueta ömürlük futboldan uzaqlaşdırıla bilər.

90deqiqe.Az-ın “Daily Mail”ə istinadən məlumatına görə, buna səbəb 27 yaşlı futbolçunun dostları ilə mərc iddiasına oynamasıdır.

Braziliyalı futbolçu mərc bazarına təsir göstərmək üçün bilərəkdən sarı vərəqə almaqda ittiham olunur.

Qeyd edək ki, Paqueta ona qarşı bütün ittihamları rədd edir. O günahsız olduğunu sübut etmək və adına aydınlıq gətirmək niyyətindədir.

Xatırladaq ki, Lukas Paqueta bu mövsüm İngiltərə çempionatında “Vest Hem”in heyətində yeddi oyun keçirib və iki qol vurub.