Palmer Premyer Liqada sentyabr ayının ən yaxşı oyunçusu seçilib

"Çelsi"nin yarımmüdafiəçisi Koul Palmer Premyer Liqada ötən ayın ən yaxşı oyunçusu seçilib.

90deqiqe.Az-ın məlumatına görə,  bu barədə liqanın mətbuat xidməti məlumat yayıb.

Sentyabrda yarımmüdafiəçi İngiltərə çempionatında dörd oyun keçirib, beş qol vurub və bir məhsuldar ötürmə edib.

Palmer daha əvvəldə azarkeşlərin səsverməsinin nəticələrinə əsasən ötən mövsüm İngiltərə yığmasının ən yaxşı oyunçusu seçilib.

Ümumilikdə, 22 yaşlı futbolçu bu mövsüm "mavilər"in heyətində 9 oyun keçirib, 6 qol vurub və 5 məhsuldar ötürmə edib.  Yeddi turdan sonra "Çelsi" İngiltərə Premyer Liqasının turnir cədvəlində 14 xalla lider "Liverpul"dan 4 xal geri qalaraq dördüncü yerdədir.