“Mançester Yunayted” Ferqyusona qadağa qoydu

"Mançester Yunayted"in keçmiş baş məşqçisi Ser Aleks Ferqyusona matçlardan sonra komandanın soyunub-geyinmə otağına girmək qadağan edilib.

90deqiqe.Az "Daily Mail"ə istinadən xəbər verir ki, Ferqyusonla yanaşı, "qırmızı şeytanlar" futbol şurasının digər üzvlərinə də paltardəyişmə otağına giriş qadağan edilib.

Qeyd edək ki, Ferqyuson karyerasını 2013-cü ildə başa vurub. Mütəxəssis 27 il "Yunayted"də çalışıb. Xatırladaq ki, hazırda Erik ten Haqın rəhbərliyi altında mankunianlılar İngiltərə çempionatının turnir cədvəlində cəmi 14-cü yeri tuturlar. Premyer Liqanın 8-ci turunda "Qırmızı şeytanlar" "Brentford"la qarşılaşacaq.