Zidanla danışıqlar başladı

"Mançester Yunayted"in sahibləri baş məşqçi Erik ten Haqın gələcəyi barədə qərar veriblər.

90deqiqe.Az "The Independent"a istinadən xəbər verir ki, INEOS-un idman sektorunun baş direktoru Jan-Klod Blan Zinəddin Zidanla danışıqlar aparır.

Blan, "Mançester Yunayted"in sahibi Cim Ratkliff kimi, uzun müddətdir ki, "Real Madrid"in keçmiş baş məşqçisini komandanın sükanı arxasına gətirmək istəyir.

Bundan əvvəl Zidan özü dil bilməməsi səbəbindən İngiltərədə işləmək istəməyəcəyini bildirsə də, “Mançester Yunayted” mütəxəssisi yenidən razı salmağa çalışır.

Hollandiyalı mütəxəssis uzun müddətdir ki, təzyiq altındadır - “qırmızı şeytanlar” hazırda Premyer Liqanın turnir cədvəlində 14-cü yerdədir.