İstefaya göndəriləcəyi halda Ten Haqı Nistelroy əvəzləyəcək

“Mançester Yunayted” klubu bu yaxınlarda baş məşqçisi Erik ten Haqla yollarını ayırmağa hazırlaşır.

90deqiqe.Az "ESPN"ə istinadən xəbər verir ki, klub rəhbərliyi hazırda ten Haqın köməkçisi olan Ruud van Nistelroyun “qırmızı şeytanlar”ın yeni sükanı arxasına keçməsini nəzərdən keçirir.

 “Yunayted”in sabiq hücumçusu artıq futbolçularla şəxsi görüşlər keçirir, ona görə də van Nistelroyun komandaya başçılıq etməsinin daha real olduğu gözlənilir.

Xatırladaq ki, hazırda Erik ten Haqın himayəsi altında olan "Mançester Yunayted" İngiltərə çempionatının turnir cədvəlində cəmi 14-cü yeri tutur.