Leni Yoro fərdi məşqlərə başlayıb

"Mançester Yunayted"in mərkəz müdafiəçisi Leni Yoro fərdi məşqlərə başlayıb.

90deqiqe.Az xəbər verir ki, bu barədə "qırmızı şeytanlar"ın mətbuat xidməti məlumat yayıb.

18 yaşlı kollektivdən ayrı, idman zalında hazırlıq keçir. 

Xatırladaq ki, yay transfer pəncərəsində “Mançester Yunayted” təlim-məşq toplanışı zamanı sıradan çıxan və mövsümün startını buraxan Yoro üçün “Lill”ə 62 milyon avro ödəmişdi.

Səkkiz turdan sonra “Mançester Yunayted” İngiltərə çempionatının turnir cədvəlində 11-ci yerdədir. “Qırmızı şeytanlar”ın növbəti mərhələdəki rəqibi “Vest Hem” olacaq. Komandalar arasında oyun oktyabrın 27-də baş tutacaq.