"Brentford"u London nəhənginə dəyişir

 "Brentford"un hücumçusu Brayan Mbeumo karyerasını "Arsenal"da davam etdirə bilər.

90deqiqe.Az  “Football Insider”ə istinadən xəbər verir ki, London klubu kamerunlunu transfer etməkdə maraqlıdır.

“Topçular" artıq “arılar”la çox parlaq mövsüm keçirən 25 yaşlı futbolçunu qış transfer pəncərəsində heyətinə qatmaq üçün agenti ilə ilkin danışıqlara da başlayıb.

Mbeumo həm cinahda, həm də hücumun mərkəzində oynaya bilir.

Qeyd edək ki, kamerunlu futbolçunun "Brentford"la hazırkı müqaviləsi 2026-cı ilin iyun ayına qədərdir və onun transfer dəyəri ekspertlər tərəfindən 40 milyon avro dəyərində qiymətləndirilir.

Xatırladaq ki, Brayan Mbeumo bu mövsüm İngiltərə çempionatında “arılar”ın tərkibində səkkiz oyun keçirib, bu oyunda altı qol vurub və iki sarı vərəqə alıb.