Xavi "Mançester Yunayted"in yeni baş məşqçisi ola bilər

"Barselona"nın sabiq baş məşqçisi, hazırda işsiz olan Xavi Ernandes "Mançester Yunayted"in yeni baş məşqçisi ola bilər.

90deqiqe.Az  “Daily Mail”ə istinadən xəbər verir ki, "qırmızı şeytanlar"ın rəhbərləri son vaxtlar ispan mütəxəssislə Mançester klubunda mümkün iş barədə bir neçə dəfə əlaqə saxlayıblar.

Mətbuatda ispan məşqçinin Qətər millisinə rəhbərlik edə biləcəyi ilə bağlı xəbərləri də yayılıb.

Qeyd edək ki, Xavi 2024-cü ilin yayında "Barselona"nın baş məşqçi postunu tərk edib. 

Xatırladaq ki, Erik ten Haq hazırda “qırmızı şeytanlar”la işləyir. “Mançester Yunayted” İngiltərə çempionatının turnir cədvəlində cəmi 12-ci yeri tutur.