- İngiltərə P.L.
- 23:26 23.11.2024
"Mançester Siti"nin müdafiəçisi Yoşko Qvardiol klubu ilə yeni müqavilə imzalamağa hazırdır.
90deqiqe.Az-ın “Daily Star”a istinadən məlumatına görə, xorvatiyalının hazırkı müqaviləsi 2028-ci ildə başa çatır, lakin şəhər rəhbərliyi 22 yaşlı futbolçunu yeni müqavilə ilə mükafatlandırmaq niyyətindədir.
Söhbət maaş artımı ilə 2030-cu ilə qədər müqavilədən gedir. Futbolçunun təklifi məmnuniyyətlə qəbul edəcəyi gözlənilir.
Qvardiol ötən ilin avqustunda Almaniyanın "Leipsiq" klubundan "Mançester Siti"yə keçib. Transferin dəyəri 90 milyon avrodu. Bu mövsüm sol cinahda çıxış edə bilən mərkəz müdafiəçisi Pep Qvardiolanın komandasında 14 oyuna çıxıb, 2 qol vurub.
