“Hamımız kuboklar qazanmaq arzusundayıq" - Kukurella

"Çelsi"nin müdafiəçisi Mark Kukurella London klubunun cari mövsüm üçün əsas hədəfini açıqlayıb.

90deqiqe.Az xəbər verir ki, "Daily Mail" ispan oyunçunun dediklərini belə çatdırıb.

“Hamımız kuboklar qazanmaq arzusundayıq. Liqada qalib gəlməyin nə qədər çətin olduğunu bilirik. Uzun müddətdir eyni layihə üzərində işləyən komandalar var, qarşımızda bir neçə belə nümunə var, amma məqsədimiz mütləq növbəti mövsüm Çempionlar Liqasında oynamaqdır. Bu, bizim üçün çox vacibdir.

"Çelsi"də çox xoşbəxtəm. Ailəm burada xoşbəxtdir. Biz yaxşı azarkeşləri olan top klubdayıq. Ümid edirəm ki, burada uzun müddət qala bilərəm”