Ferdinand Amorimin təyinatından danışıb

"Mançester Yunayted"in sabiq futbolçusu Rio Ferdinand Ruben Amorimin mankunianlıların baş məşqçisi təyin olunmasından danışıb.

90deqiqe.Az xəbər verir ki, "The Independent" 45 yaşlı sabiq futbolçunun dediklərini belə çatdırıb.

“Ötən gün Nani ilə danışdım, o, mənə dedi ki, Amorim səmimi və düz insandır, mənə elə gəlir ki, Rubeni ten Haqdan çox fərqləndirən xarizmadır”

Amorimin “Mançester Yunayted”ə baş məşqçi təyinatı bu gün açıqlanıb və portuqaliyalı İngiltərə klubunda noyabrın 11-də işə başlayacaq. "Mankunianlar" sabah növbəti matçına çıxacaq. "Qırmızı şeytanlar" evdə "Çelsi"ni qəbul etməli olacaq.