"Mövsümün sonuna qədər lider olaraq qalmaq istəyirik"

“Liverpul”un müdafiəçisi Vircil van Deyk “Brayton” üzərindəki qələbə ilə bağlı açıqlama verib. (2:1) 

90deqiqe.Az xəbər verir ki, niderlandlı futbolçu hər oyunun daha çətin keçdiyini bildirib.

 “Mənə elə gəlir ki, son illər onlara qarşı heç vaxt asan oyun keçirməmişik, bunu birinci hissə göstərdi. Zəif pressinq etdik və topla ehtiyatsız davrandıq, lakin fasilədən sonra hər şey dəyişdi, məncə, nəticə layiq idi. Çempionatda liderlik? Mövsümün sonunda liderlikdə qalmaq istəyirik, nəticələr yaxşı olsa da, qarşıda çoxlu matçlar var, mübarizəni davam etdirməliyik”

“Liverpul” İngiltərə çempionatında növbəti pillədəki “Mançester Siti”ni iki xal qabaqlayaraq birinci yerdədir.