Ərəblər dünya çempionatı başlamazdan əvvəl Salahla müqavilə bağlamaq istəyir

"Liverpul"un ulduz hücumçusu Məhəmməd Salah bu mövsüm başa çatdıqdan sonra Səudiyyə Ərəbistanı çempionatına keçə bilər.

90deqiqe.Az-ın “TeamTalk”a istinadən məlumatına görə, Səudiyyə Ərəbistanının “Əl-Hilal” klubu 32 yaşlı futbolçunu  almaq istəyir.

Səudiyyə Ərəbistanından olan komandanın liderləri misirli forvardı 2025-ci ilin yayında baş tutacaq klublararası dünya çempionatı başlamazdan əvvəl imzalamağı planlaşdırır.

Qeyd edək ki, bu mövsüm başa çatdıqdan sonra Salah azad agentə çevriləcək. Forvard hələ ki, yeni müqavilənin imzalanması ilə bağlı "Liverpul"la razılığa gələ bilməyib.

Xatırladaq ki, bu mövsüm Mohamed Salah Mersisayd komandasının tərkibində İngiltərə çempionatında on görüş keçirib və bu görüşdə yeddi qol vurub və beş məhsuldar ötürmə edib.