Haaland Premyer Liqada yeni rekorda imza atıb

“Mançester Siti”nin ulduz hücumçusu Erlinq Haaland İngiltərə çempionatında yeni rekorda imza atıb.

90deqiqe.Az-ın məlumatına görə, “Brayton”la matçda qol vuran Haaland İngiltərə çempionatında karyerasında vurduğu qolların sayını 75-ə çatdırıb.

Norveçli bu göstəriciyə görə Premyer Liqada yeni rekorda imza atıb, çünki o, 75 qol həddinə əvvəlkindən daha tez çatıb. Bu göstəriciyə çatmaq üçün Haaland 77 matçda iştirak etməli idi.

Norveçli oyunçu “Brayton”la matçda qol vursa da, bu, komandasını məğlubiyyətdən xilas edə bilməyib. "Qağayılar" Mançester klubuna 2:1 hesabı ilə qalib gəlib.

Xatırladaq ki, bu mövsüm Erlinq Haaland İngiltərə çempionatında “şəhərlilər”in heyətində 11 oyun keçirib, 12 qol vurub və iki sarı vərəqə alıb.