"Liverpul" Van Deykə əvəzləyici tapıb

"Nottingem Forest"in müdafiəçisi Murillo İngiltərənin ən yaxşı klubuna keçə bilər.

90deqiqe.Az-ın “CaughtOffside”ya istinadən məlumatına görə, 22 yaşlı müdafiəçi ilə "Liverpul" maraqlanır.

Mersisayd klubu gənc futbolçunu Vircil van Deykin əvəzləyicisi kimi görür

"Nottingem Forest" qış transferi pəncərəsi zamanı braziliyalını satmaq niyyətində deyil, ancaq mövsümdən sonra danışıqları nəzərdən keçirəcək.

"Liverpul" isə Van Deyk ilə müqavilənin uzadılması ilə bağlı danışıqlara diqqət yetirməyi planlaşdırır.

Murillo bu mövsüm İngiltərə Premyer Liqasında 11 oyun keçirib və 1 qol vurub. Braziliyalının transfer qiyməti 40 milyon avro olaraq qiymətləndirilir və onun klubla müqaviləsi 30 iyun 2028-ci ilə qədərdir.