Van Nistelroyla üç Premyer Liqa klubu maraqlanır

"Mançester Yunayted"in sabiq baş məşqçisi Rud van Nistelroy İngiltərə Premyer Liqasında qalacaq.

90deqiqe.Az-ın “Football Insider”ə istinadən məlumatına görə, niderlandlı mütəxəssislə "Sauthempton", "Vulverhempton" və "Kristal Pelas" da daxil olmaqla bir neçə klub maraqlanır. Sözügedən klublar artıq çalışdırıcı ilə bağlı təkliflərini də göndəriblər.

Xatırladaq ki, van Nistelroy müvəqqəti olaraq “Mançester Yunayted”ə rəhbərlik edib, onun rəhbərliyi altında komanda üç qələbə qazanıb və bir dəfə heç-heçə edib. “Mançester Yunayted”in baş məşqçisi vəzifəsinə təyin olunan portuqaliyalı mütəxəssis Ruben Amorim van Nistelroyun özünün istəyinə baxmayaraq, əfsanəvi hücumçunu heyətinə götürməmək qərarına gəlib.