"Vest Hem"in yeni baş məşqçisi kimin ola biləcəyi məlum olub

"Vest Hem" klubuna rəhbərlik edə biləcək məşqçilərin qısa siyahısı bəlli olub.

90deqiqe.Az-ın “The Guardian”a istinadən məlumatına görə, London komandasının rəhbərliyi artıq komandanın sükanı arxasında potensial olaraq Xulen Lopeteqini əvəz edə biləcək mütəxəssislərin siyahısını hazırlayıblar.

Namizədlər siyahısına Dortmund "Borussiya"sının keçmiş baş məşqçisi Edin Terziç, "Benfika"nın keçmiş baş məşqçisi Rocer Şmidt, "Ştuttqart"ın Sebastian Höness və Danimarka millisinin çalışdırıcsıı Kasper Julmann daxil olub.

Xatırladaq ki, hazırda Lopeteqinin himayəsində olan “Vest Hem” İngiltərə çempionatının turnir cədvəlində cəmi 14-cü yeri tutur. 11 raundda "çəkiclilər" 12 xal toplaya bilib.