"... , bu, mənim "Mançester Siti"dəki son ilimdir"

"Mançester Siti"nin yarımmüdafiəçisi Kevin De Bruyne komanda ilə müqaviləsini uzatmaq perspektivlərindən danışıb.

90deqiqe.Az xəbər verir ki, belçikalı futbolçu "şəhərlilər"lə yeni müqavilə üçün danışıqların aparılacağını bildirib.

“Mövsümün əvvəlində danışıqların olacağını bilirdim, lakin sonra zədə "Brentford"la qarşılaşmada baş verdi. Bir neçə gün çəkməli idi, amma sonra səkkiz-doqquz həftə çəkdi. Hamısını bir kənara qoyuram. Müqaviləmlə bağlı danışıqlar aparılacaq və baş tutmasa, bu mənim klubdakı son ilim olacaq. Ona görə də bilmirəm, dürüst olmağa çalışıram. İnsanlar bu barədə danışa və ya yaza bilər, mən buna təsir edə bilmərəm, mən sadəcə yaxşı futbol oynamaq istəyirəm və gələcəyin necə olacağını görəcəyik”, - De Bruyne mətbuat konfransında deyib.

Belçikalı yarımmüdafiəçinin klubla hazırkı müqaviləsi 2025-ci ilin yayında başa çatır. De Bruyne 2015-ci ildən "Mançester Siti"də çıxış edir. Bu müddət ərzində o, bütün turnirlərdə 391 matçda iştirak edib, 103 qol vurub, 171 məhsuldar ötürmə edib.