Dalot "MY"in baş məşqçisi Amorim haqqında danışıb

"Mançester Yunayted"in müdafiəçisi Dioqo Dalot komandanın baş məşqçisi Ruben Amorim haqda fikirlərini bildirib.

90deqiqe.Az xəbər verir ki, jurnalist Fabrizio Romano 25 yaşlı futbolçunun dediklərini belə çatdırıb.

“Amorim məhz belə bir klub üçün bizə lazım olan şeydir. O, çox tələbkardır. Bu, bir klubun sahib olmalı olduğu standartdır - insanlardan peşəkar olmağı və komanda üçün çox çalışmağı tələb edir. Bu, Amorimin hər gün bizə verdiyi aydın mesajdır”

Ruben Amorimin rəhbərliyi altında debüt matçında "Mançester Yunayted" bazar günü "İpsviç"lə səfərdə 1:1 hesablı heç-heçə edib. Komanda növbəti oyununu noyabrın 28-də Avropa Liqasında “Bodo-Qlimt”ə qarşı keçirəcək.