Arteta Partinin gələcəyindən danışdı

"Arsenal"ın baş məşqçisi Mikel Arteta yarımmüdafiəçi Tomas Partinin gələcəyi ilə bağlı danışıb.

90deqiqe.Az-ın məlumatına görə, təcrübəli çalışdırıcı bu barədə jurnalistlərə açıqlamasında bildirib.

“Vəziyyəti müzakirə etmək üçün vaxtımız olacaq. Partey ən yüksək səviyyədə ardıcıllıq nümayiş etdirir, çünki onun fiziki hazırlığı buna imkan verir. Tomasdan çox razıyam.”

Qanalı futbolçunun "topçular"la hazırkı müqaviləsi 2024/2025 mövsümünün sonuna kimidir. Tomas Parti "Atletiko Madrid"dən keçdikdən sonra 2020-ci ilin oktyabr ayından "Arsenal"da oynayır. O vaxtdan bəri yarımmüdafiəçi 133 rəsmi oyun keçirib və bu oyunda tərəfdaşları üçün yeddi qol vurub və dörd məhsuldar ötürmə edib.