Arne Slotdan qələbə şərhi

"Liverpul"un çalışdırıcısı Arne Slot Premyer Liqada "Mançester Siti"yə qalib gəldikləri oyundan (2:0) sonra təəssüratlarını bölüşüb. 

90deqiqe.Az xəbər verir ki, "Sky Sports" niderlandlı çalışdırıcının dediklərini belə çatdırıb.

“Demək olar ki, mükəmməl bir matç idi. Çoxlu şansları əldən verdik, ona görə də sonda asan olmadı. Ola bilsin ki, belə matçlarda belə olmalı idi, amma ikinci qolu əvvəl vurmaq daha gözəl olardı. Biz həmişə yüksək təzyiq göstəririk, lakin “Mançester Siti” təzyiq altında hücumlar təşkil etməkdə əladır, ona görə də çox çalışmalı olduq. Futbolçularımızda kifayət qədər enerji var idi. Azarkeşlər də özlərini heyrətamiz şəkildə göstərdilər”

Mersisayd təmsilçisinin qollarını 12-ci dəqiqədə Kodi Qakpo və 78-ci dəqiqədəMəhəmməd Salah penaltini dəqiq yerinə yetirərək  imza atıb.