"Hücumu gücləndirməyi planlaşdırırıq"

"Tottenhem"in baş məşqçisi Ange Posteklou klubun transfer pəncərəsində hücumlarını gücləndirməyi planlaşdırdığını bildirib.

90deqiqe.Az xəbər verir ki, jurnalist Fabrizio Romano təcrübəli çalışdırıcının dediklərini belə çatdırıb.

“Gələcək transfer pəncərələrində sahənin son üçdə birində gücləndiricilərə ehtiyacımız olduğu aydındır. Bəli, Solankenin transferi əladır, amma onu çox yükləməməliyik. Əlbəttə, bu məsələ bizim gündəmimizdədir”

Avstraliyalı mütəxəssisin rəhbərliyi altında "Tottenhem" İngiltərə Premyer Liqasının turnir cədvəlində yeddinci yerdədir və ilk beşlikdən fərq cəmi üç xaldır. Sabah, dekabrın 5-də “Tottenhem” səfərdə “Bornmut”la qarşılaşacaq.