"Liverpul" 3 futbolçusu ilə bağlı qərar verdi

"Liverpul" klubu futbolçuları ilə yeni müqavilələri müzakirə etməyə başlayıb.

90deqiqe.Az “Athletic”ə istinadən xəbər verir ki, yenilənmiş müqavilə üçün ilk təklifi alanlardan biri 33 yaşlı hollandiyalı müdafiəçi Vircil van Deyk olub.

Yeni təklif futbolçuya yaraşmayıb və indi tərəflər şərtlər və ödənişlər barədə razılığa gəlməyə çalışırlar.

Bundan əlavə, "Liverpul" klubun 26 yaşlı vitse-kapitanı Trent Alexander-Arnold ilə danışıqlar aparır. Əvvəllər onunla "Real Madrid" maraqlanırdı, lakin oyunçunun taleyi hələ də müəyyənləşməyib.

Ən çətin vəziyyət hücumçu Məhəmməd Salahla bağlıdır. Misirli daha əvvəl klubdan hələlik heç bir təklif almadığını bildirmişdi. O, daha əvvəl "Mançester Siti" ilə matçın (2:0) "Liverpul" üçün sonuncu oyunu olduğunu bildirib.

Xatırladaq ki, futbolçularla mövcud hər üç müqavilə 2025-ci ilin yayına qədər qüvvədədir.