Məşhur futbolçu karyerasını başa vurub

Portuqaliya millisinin sabiq futbolçusu Luis Nani peşəkar karyerasını başa vurub.

90deqiqe.Az xəbər verir ki, ulduz oyunçu 38 yaşında futbolla vidalaşıb. 

Təcrübəli futbolçu sosial şəbəkə hesabında paylaşım edərək, bunları qeyd edib.

"Professional futbolçu karyeramı bitirməyə qərar verdim. Bu, böyük macəra idi. Dəstək olan hər kəsə təşəkkür edirəm. Karyeramın eniş-yoxuşlarında mənə kömək edən və unudulmaz anlar yaşatdıran hər kəsə təşəkkür edirəm. İndi həyatımda yeni bir səhifə açmaq və yeni hədəfə fokuslanmaq vaxtıdır. Tezliklə görüşərik. Təşəkkürlər"

Luis Nani karyerası ərzində “Fənərbağça” və “Adana Dəmirspor”, həmçinin “Sportinq”, “Mançester Yunayted”, “Valensiya”, “Latsio”, “Orlando Siti”, “Venesiya”, “Melburn Viktori” və “Estrela Amadora”da çıxış edib.