"Mançester Yunayted" Diallo ilə müqaviləni uzatmağa yaxındır

"Mançester Yunayted"in vingeri Amad Diallo yaxın vaxtlarda klubu ilə müqaviləsini uzada bilər.

90deqiqe.Az "ESPN"ə istinadən xəbər verir ki, “Mançester Yunayted” rəhbərliyi 22 yaşlı futbolçu ilə yeni uzunmüddətli müqavilə bağlamağa yaxındır.

Qeyd edilir ki, hər iki tərəf danışıqların gedişindən razıdır, ona görə də uzadılması ilə bağlı rəsmi açıqlama 2024-cü ilin sonuna qədər baş tuta bilər.

Diallo 2021-ci ilin yanvarından “Mançester Yunayted”də çıxış edir. Bu mövsüm futbolçu bütün turnirlərdə 23 matçda iştirak edib, dörd qol vurub və altı məhsuldar ötürmə edib.